ბარბალეს მარანი 2014 წელს შეიქმნა. სახელი ბარბალე ნაყოფიერებისა და მზის ქალღმერთია ქართულ მითოლოგიაში, რომელიც განასახიერებს სიცოცხლის ციკლს. ბანი, ბორბალი, ბრუნვა, ბარბალე, ბარბარობა, ბორჯღალი ურთიერთკავშირშია და სათავეს ჩვენი ძალიან ძველი წარსულიდან იღებს. აქედანაა ჩვენი სახელიც ,,ბარბალე მარანი».
ბარბალეს მარანი თბილისში, ორთაჭალაში, მდეობარეობს. მეღვინეობა აწარმოებს იმერულ, კახურ და ლეჩხუმურ ღვინოებს, ასევე გვაქვს რამოდენიმე უცხოური ჯიშიც. ჩვენს ასორტიმენტში შეხვდებით ოცხანურ საფერეს, ციცქა-ცოლიკაურს, ქვევრის ცოლიკაურს, შარდონეს, მალბეკს, კახურ მწვანეს, უსახელაურს, ლეჩხუმის ცოლიკაურსა და სხვა, სხვადაასხვა მოსავლის წლებიდან.